मुख्य भागमा जानुहोस्
NAB.news , गृहपृष्ठ

A Research-Based Media-Tech Platform

हाम्रो बारेमा सेवाहरू अवसरहरू
नेपाल / स्थानीय

घरदैलोमै पुगेर विद्यार्थीको पढाइ र शैक्षिक अवस्थाबारे बुझ्दै जामुनाखर्क मावि

दसैँ-तिहारको लामो बिदाको सदुपयोग गर्दै म्याग्दीको जामुनाखर्क माविका शिक्षक र अभिभावकले सुरु गरे घरदैलो अभियान, विद्यार्थीको सिकाइ र पारिवारिक वातावरणबारे लिइयो प्रत्यक्ष जानकारी।

प्रकाशित

तस्बिर: रासस

म्याग्दी, २३ कात्तिक । म्याग्दीको बेनी नगरपालिका-६ अर्थुङ्गेस्थित जामुनाखर्क माध्यमिक विद्यालयले दसैँ-तिहारको लामो बिदाको समयलाई सदुपयोग गर्दै विद्यार्थीको घरदैलोमै पुग्ने फरक अभ्यास थालेको छ। परम्परागत रूपमा विद्यालयमै मात्र विद्यार्थीको अवस्था बुझ्ने प्रचलनभन्दा बाहिर ψ जाँदै विद्यालयले विद्यार्थीको घर-आँगनमै पुगेर उनीहरूको पठनपाठन र पारिवारिक वातावरणबारे जानकारी लिन थालेको हो।

विद्यालय व्यवस्थापन समिति, शिक्षक अभिभावक सङ्घ, शिक्षक र पूर्वविद्यार्थीको सहभागिता रहेको टोलीले कात्तिक १ गतेदेखि सेवा क्षेत्रका विभिन्न बस्तीमा पुगेर अभिभावकसँग प्रत्यक्ष अन्तरक्रिया गरेको छ। बिदाको समयमा बालबालिकाले गृहकार्य गरे-नगरेको, घरायसी वातावरण कस्तो छ र उनीहरूले प्रयोगात्मक सीप सिकेका छन् वा छैनन् भन्ने विषयमा जानकारी लिने उद्देश्यले यो अभियान सञ्चालन गरिएको विद्यालयका शिक्षक गणेश केसीले जानकारी दिनुभयो।

अभिभावकसँगको यस प्रकारको भेटघाटले विद्यार्थीको सिकाइमा परिवारको भूमिकालाई अझ मजबुत बनाउनुका साथै आगामी दिनमा विद्यालयको शैक्षिक सुधारका लागि महत्त्वपूर्ण सुझावसमेत प्राप्त भएको प्रधानाध्यापक सोमनाथ ढुङ्गानाले बताएका छन्। समुदाय र विद्यालयको सम्बन्धलाई थप बलियो बनाउने यो अभियानले अभिभावकमा पनि आफ्ना नानीबाबुहरूको पढाइप्रति चासो बढाएको छ।

स्रोत: रासस

यो समाचार सेयर गर्नुहोस्

थप नेपाल / स्थानीय समाचार →

नव

नमस्कार! म नव, NAB को AI सहायक। जागिर, समाचार वा ठगीबारे जे पनि सोध्नुहोस्।

फोन नम्बर, नागरिकता, बैंक विवरण, OTP वा पासवर्ड नलेख्नुहोस्। AI को जवाफ गलत हुन सक्छ — महत्त्वपूर्ण कुरा आफैं जाँच्नुहोस्।