नेपाल–चीन सहकार्यका योजना र आयोजनाको समीक्षा

काठमाडौं, असार ५ – नेपाल–चीन सहकार्य अन्तर्गत रहेका विभिन्न आर्थिक तथा विकास आयोजनाहरूको प्रगतिको समीक्षा गर्न सहजीकरण संयन्त्रको तेस्रो बैठक काठमाडौंमा सम्पन्न भएको छ ।

बैठकमा परराष्ट्र सचिव अमृतबहादुर राई र नेपालका लागि चिनियाँ राजदूत झाङ माओमिङले आ-आफ्नो प्रतिनिधि मण्डलको सह-अध्यक्षता गरेका थिए । बैठकले दुई देशबीचको सहकार्यलाई थप प्रभावकारी र समयमै कार्यान्वयन गर्न केही ठोस उपायहरू लिने सहमति गरेको छ ।